Hurrengo helburua: Mosaiko bat azken ostiralean

Hurrengo azken ostiralean, 27an, mosaiko bat egitea izango da gure helburua. Horretarako zuen laguntza ezin bestekoa izango da. Denon artean lortuko dugu! Euskal Preso eta Iheslariak Herrira!!

Bilgunearen aurkezpenaren argazkia

Apirilaren 14an manifestazio nazionala Bilbon Parot Doktrinaren aurka

Gernikako Akordioa izenpetzen dugun eragile politiko, sindikal eta sozialon iritzian, Parot Dotrina delakoa abalatzen Auzitegi Konstituzionalak harturiko erabakia gatazkaren konponbidearen aurkako erabakia baino ez da.

Euskal herritarren gehiengo zabal batek Auzitegi Konstituzionalaren erabaki politiko hau gure herriaren bake eta konponbide nahien aurkako eraso zuzen gisa interpretatu duenaren erabateko ziurtasuna dugu.

Atzo jakinaraziriko erabakiarekin, Estatuko botere eta aparatuek agerian utzi dute berriro ere Euskal Herrian irekiriko agertoki berriarekiko euren borondatea zein den.

Auzitegi Konstituzionalaren erabaki oso oso larri baten aurrean gaude: Biziarteko zigorraren de faktuzko legeztapenarekin.
Estatuak argi utzi du ez duela gatazkaren konponbide politiko eta demokratiko bat nahi.

Estatuak blokeo egoera betikotu nahi du, irekiriko aukera ustel dadin eta horrela, bakea eraikitzeko aukera oro zapuzteko.

Gernikako Akordioa izenpetzen dugun eragileok aterabide demokratikoak erdiesteko gure konpromisoan berresten gara. Irekiriko prozesua bururaino eramateko konpromiso osoa dugu: euskal herritar guztiak garaile izango garen gatazka politikoaren aterabide demokratikoraino eta giza eskubide guztien errespeturaino, alegia.

Horretarako ezinbestekoa deritzogu euskal jendarte osoaren inplikazio eta babesa. Bai eta gaur egun Gernikako Akordioa izenpetzen ez duten eragile horiena. Bide hau guztion artean eta batera egin behar dugu.

Euskal jendartea konponbide prozesuaren parte aktibo izan behar du eta era berean, bere mobilizazioa prozesuaren garapenaren berme izan behar du, Estatu espainiarrak eta PPren gobernuak jarriko dizkiguten oztopo handien gainetik.

Horrela, eta Auzitegi Konstituzionalak Parot Dotrinaren moduko mendeku eta salbuespenezko neurri bat abalatzeak duen larritasun estremoaren aurrean, bertan bildutakook apirilaren 14ean Bilbon burutuko den manifestazio nazionalaren deialdiaren berri eman nahi dugu.

Euskal jendartearen borondatearen aurkako eraso zuzen honi eman beharreko erantzuna bertan bildu garen eragile politiko, sindikal eta sozialotatik harago joan dadin, Euskal Herriko eragile guztiekin berehala harreman erronda bat irekiko dugula jakinarazi nahi dugu, mobilizazioarekin bat egin dezaten. Horregatik, harreman horiek emango dutenaren esperoan, mobilizazioaren lema zein karakterizazioa zehazturik gabe daude gaur gaurkoz.

Azkenik, bihar Iruñean Herrirak antolaturik “Presos con enfermedades graves a casa – Gaixotasun larria duten presoak herrira” lelopean burutuko den mobilizazioan era masiboan parte hartzeko deia luzatu nahi diogu Euskal herritar orori.

                     

    

                 HERRIRA MUGIMENDUA

Herrira sortu da. Euskal Herrian hutsik dauden aulkiak betetzea da bere xedea. Zentzu honetan, helburu honekin bat egiten duten herritar guztiei espazio eraginkor bat eskaintzera gatoz, eremu ezberdinetatik eta konpromiso ezberdinekin, eginahal honetan ahalik eta indar gehien batzeko.

Gure helburuekiko aldekotasun jarrerak dituzten herritarrekin eta eremu guztiekin batera lan egin nahi dugu, hauei entzunez, elkarlana bultzatuz, mugimendu parte hartzaile eta zabal bat eratuz.

Gure helburuekiko aurkakotasun jarrerak dituzten herritarrekin eta eremu guztiekin ere lan egin nahi dugu. Hauen kontzientziak ukitu nahi ditugu, hauen jarrerak aldatu, gaurko aurkakotasunak biharko aldekotasun bihurtu daitezen.

Herrira sortu da. Hau ez da aktibista kopuru zehatz bateko mugimendua. Hau preso eta iheslarien etxeratzea ahalbidetu nahi duen herri mugimendu da. Herrira gehiengo zabal baten nahia antolatzera dator, nahi hau mobilizazio bihurtzera, helburu hau egia izan dadin lan egitera. Herritarren ahotsa eta ekintza da Herrira. Denok gara Herrira.

Urtarrilaren 7an Bilbon burutu zen mobilizazioa erreferentzia argia da preso eta iheslariak etxeratzeko lanean. Hilabeteetako lanaren emaitza izan da manifestazio kolosala. Presoen gaia eztabaida politikoaren erdigunean kokatzeko baliagarria izateaz gain, gizartearen konpromisoaren erakusleiho izan da. Argazki horrek bide bat erakusten du, preso eta iheslariak herriratzeko egiten ari garen bidea.

Bihartik aurrera bide horretan gehiago izateko lan egingo dugu. Askotariko herritarrak batu nahi ditugu, askotariko ekimenetan.

Hau, desagertzeko zioa duen mugimendua da. Misio bat jarri diogu gure buruari, eta misio bakar horri loturik lan egingo dugu. Behin misioa lortuta, bere lana amaitutzat emango du Herrirak. Izan beza bizitza laburra bezain emankorra. Gogotik ospatuko dugu gure azken arnasa.

herriraleioa@gmail.com
http://leioaherrira.blogspot.com.es/

HERRIRA MUGIMENDUA

                 

Se ha creado Herrira. Su fin es llenar las sillas vacías que hay en Euskal Herria. En este sentido, venimos a ofrecer un espacio efectivo a todas las personas que comparten este objetivo, desde diferentes ámbitos y con diferentes compromisos, para aunar el máximo de fuerzas posible en este empeño.

Queremos trabajar con las personas y agentes que apoyan nuestros objetivos, escuchándoles, impulsando la colaboración y formando un movimiento participativo y amplio.

También queremos trabajar con las personas y agentes que se muestran contrarios a nuestros fines. Deseamos tocar sus conciencias, cambiar sus posturas para que las contrarias de hoy se conviertan en el apoyo de mañana.

Se ha creado Herrira. Este no es un movimiento con un número de activistas concreto. Este es un movimiento popular que quiere hacer posible la vuelta a casa de las personas presas y refugiadas. Herrira surge para organizar el deseo de una amplia mayoría, para transformar este deseo en movilización, para trabajar a favor de que el objetivo se convierta en realidad. Herrira es la voz y la acción de la ciudadanía. Todas y todas somos Herrira. 

La manifestación que se celebró el 7 de enero en Bilbao es un claro referente en el trabajo para la vuelta a casa de las personas presas y refugiadas. La colosal manifestación fue fruto de trabajo de meses. Además de ser válida para situar el tema de los presos y presas en el centro del debate político, ha servido de escaparate del compromiso de la sociedad. Esa foto marca un camino, el camino que estamos haciendo para traerlos a casa.

Vamos  a trabajar para que en ese camino a partir de mañana seamos más. Queremos unir a personas plurales en iniciativas plurales.

Este es un movimiento con causa para desaparecer. Nos hemos fijado una misión y únicamente trabajaremos ligados a ella. Una vez conseguida, Herrira dará por finalizado su trabajo. Deseamos que su existencia sea tan corta como productiva. Celebraremos de buena gana nuestro último respiro.

herriraleioa@gmail.com
http://leioaherrira.blogspot.com.es/